Добро пожаловать на официальный сайт государственного учреждения образования "Средняя школа № 33 г. Могилева"
Навигация
  • Популярное
    Архив
    Февраль 2020 (31)
    Январь 2020 (45)
    Декабрь 2019 (61)
    Ноябрь 2019 (53)
    Октябрь 2019 (95)
    Сентябрь 2019 (56)
    Календарь
    «    Февраль 2020    »
    ПнВтСрЧтПтСбВс
     
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
     
    Автор: Алеся |
    7-11-2018, 17:44 |
    Просмотров: 110 |
    Комментарии (0)
     Цікава ведць
    Апошні месяц восені, адзінаццаты — года меў старабеларус­кую назву грудзень (ад слова "груды” ў значэнні "замёрзлая зямля”). Сучаснае беларускае найменне лістапад тлумачыцца проста: канец ападання лісця з дрэў (таксама ва ўкраінцаў листопад, палякаў і чэхаў listopad). Рускі ноябрь, балгарскі ноември, нямецкі den november, вянгерскі і славацкі novembra, утрымліваюць агульную лацінскую аснову novem (дзевяць). Французскія рэва­люцыянеры называлі месяц брумерам, што азначала "туманны”.
    У пачатку лістапада адлятаюць апошнія чароды качак, дрэ­вы стаяць ужо амаль без лісця, тэмпература паветра ніжэй нуля, з’яўляюцца туманы. Імжыстыя дажджы ў другой палове месяца змяняюцца на мокры снег.
    Вёска на нейкі час вызваляецца ад сельскагаспадарчых ра­бот. Дары асенняга поля і лесу ўжо добра ўладкаваны ў склепах і кладоўках. Самы час успомніць тых апекуноў, якія спрыялі зем­ляробу, і, у першую чаргу, продкаў, "дзядоў”. Багаты стол запра­шае сватоў парадніць сваіх дзяцей. А вечары, што сталі даўжэй­шымі, нагадваюць жанчынам аб кудзелях і піліпаўскіх вячорках.
    Вучаніца 5 "В" класа Мартынава Марыя



    Автор: Алеся |
    5-11-2018, 17:21 |
    Просмотров: 263 |
    Комментарии (0)
    У адноўленым музеі Бялыніцкага-Бірулі
    02.11.2018 падчас восенькіх канікул вучні 6 "А” класа наведалі мастацкі музей імя Вітольда Каэтанавіча Бялыніцкага-Бірулі. Дзяцей уразіў сам будынак музея, карціны, прадметы даўняй мэблі. Кожны знайшоў для сябе, на яго думку, самую-самую блізкую карціну.
    З цікавасцю разглядалі шасцікласнікі і дзіцячыя малюнкі, прадстаўленыя ў выставачнай зале на трэцім паверсе.
    Каб адпачыць, сагрэцца і адчуць, што ў нас канікулы, мы зайшлі ў кафэ. Гарачы чай і ласункі былі дарэчы ў гэты вільготны шэры дзень.
    Класны кіраўнік 6 "А" класа Храбрая Н. Н., вучаніца 6 "А" класа Варвара Казлова


    Автор: Алеся |
    27-10-2018, 12:03 |
    Просмотров: 344 |
    Комментарии (0)
    Літаратурнае падарожжа па творчасці Якуба Коласа
    25.10.2018 у ГПД, у межах адзінага дня беларускага маўлення, прайшло мерапрыемства, прысвечанае творчасці Якуба Коласа. З дапамогай мультымедыйнай прэзентацыі "Па родных мясцінах Песняра” вучні даведаліся пра жыццё і творчасць паэта, пазнаеміліся з яго радзімай – Стаўбцоўшчынай. На працягу мерапыемства дзеці чыталі вершы паэта, малявалі да іх ілюстрацыі, разгадвалі крыжаванкі. Увазе вучняў была падрыхтавана кніжная выстава, на якой змяшчаліся кнігі беларускага песняра. Мерапрыемства было накіравана на папулярызацыю беларускай мовы, на выхаванне ў дзяцей павагі да роднага слова. Яно атрымалася вельмі цікавым і займальным, вучні дакрануліся да культуры роднага краю, захапіліся прыгажосцю і багаццем роднай мовы.
    Выхавальнік ГПД Пархоменка А. Р.


    Автор: Алеся |
    23-10-2018, 15:44 |
    Просмотров: 416 |
    Комментарии (0)
    Драмтэатр запрашае ў шосты школьны дзень
    20 кастрычніка абласны драматычны тэатр запрасіў старшакласнікаў на спектакль "Таямніца старой ратушы”.  Аматараў тэатральнага мастацтва нашай школы чакала сустрэча з чароўным светам фэнтэзі. Захапляльны сюжэт, фантастычныя вобразы, сераднявечны каларыт, востры сацыяльны падтэкст і, вядома ж, магія – чорная і белая…
    Перад намі паўстаў сярэднявечны горад з сімвалам самакіравання – ратушай –– і яго жыхары: войт, лаўнік, карчмарка, залаташвейка, кат і іншыя экзатычныя персанажы. Але горад належыць зусім не ім – ён захоплены цёмнымі прывідамі-пачварамі, і каб перамагчы іх, гараджанам трэба аб’яднацца…
    Гісторыя, якую стварылі беларускі драматург Сяргей Кавалёў і рэжысёр Уладзімір Пятровіч, адвечная. Каханне і помста, сяброўства і здрада, барацьба за ўладу і прага свабоды… Дабро змагаецца са злом, і вынік гэтага супрацьстаяння непрадказальны. Казка для падлеткаў? А мо рэальнасць?


    Автор: Алеся |
    16-10-2018, 13:30 |
    Просмотров: 305 |
    Комментарии (0)
    Мама! Матуля! Чароўнае слова…
    13 кастрычніка, у рамках шостага школьнага дня, дзеці 4-ых, 5-ых класаў удзельнічалі ў мерапрыемстве, прысвечаным Дню маці,  якое праходзіла ў бібліятэцы.
    На працягу ўсяго свята вучні выказвалі ў гонар маці самыя цёплыя і шчырыя словы, чыталі вершы, рабілі маленькія сюрпрызы для сваіх родных матулей, спявалі, малявалі. Бібліятэкар ля кніжнай выставы "Мамін дзень – жаданы самы”  разам з дзецьмі разважалі аб мацярынскай любові, дабраце, клопату...  
    Напрыканцы ўрока дабрыні прысутныя  выказалі пажаданні, каб усе матулі былі заўсёды прыгожымі, здаровымі, шчаслівымі! 
         Бібліятэкар Лук’янская Л.У.


    Автор: Алеся |
    10-10-2018, 11:44 |
    Просмотров: 527 |
    Комментарии (0)
    Наш добры сябра – Эдзі Агняцвет
    6 кастрычніка, у рамках шостага школьнага дня, вучні 2-іх, 4-ых класаў святкавалі  ў бібліятэцы юбілей пісьменніцы Эдзі Агняцвет.
    Да 105-годдзя паэткі бібліятэка падрыхтавала літаратурны ранішнік "Наш добры сябра - Эдзі Агняцвет”. У ходзе мерапрыемства бібліятэкар паведаміла дзецям аб жыцці і творчасці беларускай паэтэсы, усе  разам  чыталі  вершы,  слухали  песні, пабылі ў ролі "грамацеяў”, паспрабаваўшы  выправіць памылкі ў юмарыстычным вершы.
    Кніжны агляд ля выставы упэўніў нашых юных чытачоў у тым, што на старонках  кніг Э.Агняцвет многа сонца, дабрыні, бесклапотнага дзіцячага смеху і жартаў.
    Бібліятэкар Удальёва І.Э.


    Автор: Алеся |
    24-09-2018, 16:24 |
    Просмотров: 233 |
    Комментарии (0)
        Да 140-годдзя з дня  нараджэння мастака
    22 верасня, у шосты школьны дзень, мы,вучні  7”А” класа, разам з класным кіраўніком наведалі  музей Вітольда  Бялыніцкага - Бірулі.
    Падчас экскурсіі нас зацікавіла выстава работ беларускіх і рускіх мастакоў 19 стагоддзя на тэму дзяцінства "Калі мы былі дзецьмі” і выстава малюнкаў вучняў з розных школ нашага горада.
    Захапленне і асалоду мы  атрымалі ад твораў В.Бялыніцкага- Бірулі, які меў прыродны талент  пейзажыста-лірыка. Карціны мастака-жывапісны роздум, прызнанне ў любві роднай прыродзе, яе някідкай непаўторнай прыгажосці.   
                                                                    Вучаніца 7”А” класа  Чарнова Маргарыта, класны кіраўнік  Князева  Г.Я.


    Автор: Алеся |
    14-09-2018, 16:39 |
    Просмотров: 339 |
    Комментарии (0)
    У дарогу натхнення і творчасці…
    8 верасня 2018 года, у шосты школьны дзень, мы, вучні 6 "А” класа, прынялі ўдзел у свяце адкрыцця новага навучальнага года на пляцоўцы перад уваходам у тэатральны корпус ДУДА "Абласны цэнтр творчасці”.  Цудоўнае  свята "Дарогай натхнення і творчасці” арганізавана для вучняў школ. Чаго толькі не  прадстаўлена ў праграме!  Гэта розныя атракцыёны, спартыўныя эстафеты, дэманстрацыя дзеючых робатаў, суда-, авія-, аўтамадэляў, канцэрты мастацкіх калектываў і шмат чаго іншага. 
    сердцу»
    Зарыентавацца і правільна выбраць аб’яднанне па інтарэсах  дапамагалі ў інфацэнтры, тут  адразу можна  было і запісацца ў гурток. Але мы спачатку праверылі свой спрыт і вынослівасць на турысцкай паласе перашкод, на пляцоўцы фігурнага велаваджэння, у атракцыёнах "Скакалка”, "Коска”, "Боўлінг”…  У нас нядрэнна атрымалася! Цяпер мы ведаем, што  заняцца ў вольны час магілёўскім школьнікам у новым навучальным годзе будзе чым. 
    сердцу»
    Надвор’е ў суботу было шыкоўнае! Таму пасля свята нашай вясёлай кампаніяй мы рушылі да Дубравенкі. Тут у прахалодзе набярэжнай адпачылі, падзяліліся ўражаннямі… Вядома, і качак пачаставалі! 
                                                       Ночкіна Арына, вучаніца 6 "А” класа, Храбрая Н. М., кл. кіраўнік


    Автор: Алеся |
    10-09-2018, 17:50 |
    Просмотров: 96 |
    Комментарии (0)
    Да ўвагі вучняў 5-8 класаў!
    Запрашаем да ўдзелу ў дыстанцыйных алімпіядах па беларускай мове і літаратуры на сайце "Падабайкі роднай мове"

    Автор: Алеся |
    10-09-2018, 12:13 |
    Просмотров: 133 |
    Комментарии (0)
     «УСЕ СВАЕ ПЕСНІ АДДАМ БЕЛАРУСІ...»
    (да 75-ГОДДЗЯ НІНЫ МАЦЯШ)
    Нарадзілася 20 верасня 1943 года ў вёсцы Нівы Бярозаўскага раёна Брэсцкай вобласці. Скончыла Бярозаўскую сярэднюю школу (1960). У 1966 годзе скончыла факультэт французскай мовы Мінскага дзяржаўнага педагагічнага інстытута замежных моў. У 1973 — 1977 гг. працавала настаўніцай Белаазёрскага прафесійна-тэхнічнага вучылішча.
    З першымі вершамі выступіла ў друку ў 1962 годзе (бярозаўская раённая газета «Маяк камунізма» і «Во славу Родины»). Аўтар зборнікаў паэзіі «Агонь» (1970), «Удзячнасць» (1973), «Ралля суровая» (1976), «Прыручэнне вясны» (1979), «Поўны келіх» (1982), «Жнівень» (1985) і іншых, «Паварот на лета» (выбранае, 1986), «Шчаслівай долю назаві» (1990) і казак «Два браты і сякера» (1975), «Казка пра суседзяў, змяю і мядзведзя» (1982).

    Автор: Алеся |
    21-08-2018, 12:08 |
    Просмотров: 226 |
    Комментарии (0)
    Дзень беларускага пісьменства праводзіцца штогод у першую нядзелю верасня
    Канцэпцыя свята прадугледжвае паказ адзінства беларускага друкаванага слова з гісторыяй і культурай беларускага народа, адлюстраванне гістарычнага шляху пісьменства і друку ў Беларусі.
    Традыцыйна Дзень беларускага пісьменства праходзіць у гарадах, якія з'яўляюцца гістарычнымі цэнтрамі культуры, навукі, літаратуры і кнігадрукавання.
    Гісторыя свята
    Упершыню, у 1994 годзе, святочныя мерапрыемствы адбыліся ў старажытным горадзе Полацку.
    Потым сталіцамі свята сталі такія гістарычна значныя культурныя цэнтры краіны, як Тураў, Навагрудак, Нясвіж, Орша, Пінск, Заслаўе, Мсціслаў, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глыбокае, Быхаў, Заслаўе, Шчучын, Рагачоў, Полацк.
    У 2015 годзе літаратурнай сталіцай краіны ўпершыню стаў горад Шчучын (Гродзенская вобласць), які перадаў ганаровую эстафету гораду Рагачову (Гомельская вобласць).

    Автор: Алеся |
    21-08-2018, 11:31 |
    Просмотров: 422 |
    Комментарии (0)

    Каляндар юбілейных дат

    верасень

    125-годдзе з дня нараджэння Андрэя Мрыя

    105-годдзе з дня нараджэння Сяргея Грахоўскага

    80-годдзе з дня нараджэння Анатоля Грачанікава

    75-годдзе з дня нараджэння Ніны Мацяш

    лістапад

    85-годдзе з дня нараджэння Вячаслава Адамчыка

    70-годдзе з дня нараджэння Яўгеніі Янішчыц

    снежань

    220-годдзе з дня нараджэння Адама Міцкевіча

    100-годдзе з дня нараджэння Кастуся Кірэенкі

    95-годдзе з дня нараджэння Анатоля Вялюгіна

    75-годдзе з дня нараджэння Казіміра Камейшы

    студзень

    150-годдзе з дня нараджэння Ядвігіна Ш.

    120-годдзе з дня нараджэння Міхася Лынькова

    115-годдзе з дня нараджэння Алеся Якімовіча

    100-годдзе з дня нараджэння Васіля Хомчанкі

    100-годдзе з дня нараджэння Алеся Савіцкага

    люты

    105-годдзе з дня нараджэння Аркадзя Куляшова

    сакавік

    100-годдзе з дня нараджэння Міколы Лупсякова

    90-годдзе з дня нараджэння Еўдакіі Лось

    65-годдзе з дня нараджэння Міколы Мятліцкага

    май

    115-годдзе з дня нараджэння Паўлюка Труса

    95-годдзе з дня нараджэння Васіля Быкава

    85-годдзе з дня нараджэння Віктара Карамазава

     




    Автор: Алеся |
    10-05-2018, 14:33 |
    Просмотров: 250 |
    Комментарии (0)
    Памятаем…
    Май 2018. Магілёў святкуе Вялікую Перамогу. Гэта вясновае свята са слязьмі на вачах адзначаецца ўжо 73 гады. 
    Вучні 5 "А” класа -  актыўныя ўдзельнікі акцый "Ветэран жыве побач”, "Салдату Перамогі”. Напярэдадні свята пяцікласнікі наведалі і павіншавалі  ветэранаў з Днём Перамогі, выказалі ўдзячнасць за падараваны мір, пачулі жывыя гісторыі ветэранаў.
    А раніцай 9 мая з кветкамі, сцяжкамі і шарамі рушылі на ўрачыстае шэсце ветэранаў на галоўную вуліцу горада - Першамайскую. Дзяўчынкі і хлопчыкі з натхненнем на тварах выражалі падзяку героям вайны за мірнае неба і радасць ЖЫЦЬ. З кожным годам  удзельнікаў і сведак вайны становіцца меней. Аднак нешматлікіх герояў, што ехалі ў калоне, віталі гучнымі словамі "Дзякуй за Перамогу! Слава героям!”  Дзіўна, як для дзяцей важна падарыць кветку, паштоўку ці свой малюнак людзям, якім мы абавязаны жыццём. Відавочна, пачуццё ўдзячнасці і патрыятызму залежыць не ад узросту. Гэта ўсё ад глыбіні і чысціні душы. 
    Так, ветэранаў амаль не засталося. Многія перакананы, што памяць пра герояў вайны ідзе ў нябыт. Аднак верыцца, што нават калі не застанецца ў жывых ніводнага сведкі вайны,  нашы вучні зберагуць памяць. Бо гэта патрэбна не мёртвым, гэта трэба жывым!
                                                              Класны кіраўнік 5 "А” Храбрая Н. М.

    Автор: Алеся |
    5-05-2018, 14:49 |
    Просмотров: 239 |
    Комментарии (0)
    Шануйце герояў сваіх!
    4 мая 2018 года ў рамках патрыятычнай акцыі "Жывём і памятаем”, прысвечанай Вялікай Перамозе, вучні 9 "Б”  класа наведалі ўрокі эстэтыкі ў драматычным тэатры. Напярэдадні 9 мая школьнікам прапанаваны для прагляду спектакль "Апошні”. Аўтар п’есы гомельскі драматург Васіль Ткачоў прымушае задумацца над тым, што з кожным годам франтавікоў, ветэранаў Вялікай Айчыннай становіцца ўсё меней. І калі-небудзь застанецца толькі адзін… Апошні. Вось і галоўны герой гэтага спектакля – апошні. 
    На вайне ён выжыў, а ці выжыве ён у звычайным жыцці? Няпростыя перыпетыі разгортваюцца на сцэне, выклікаюць гледачоў на глыбокі роздум аб сэнсе існавання і складаемых чалавечага шчасця. Безумоўна, кожны чалавек варты шчасця. У чым жа шчасце адзінокага старога ветэрана?! Дасягненні і ўзнагароды? Афіцыйнае прызнанне? Не. Увага і міласэрнасць, шчыры клопат і любоў блізкіх!.. Калі дзеці і ўнукі не ганарацца сваім дзедам, яго ўчынкамі, яго ўзнагародамі – гэта страшная трагедыя не толькі ветэранаў, – гэта трагедыя нашага грамадства. 
    У меладраме драматург умела раскрывае пачуццёвы свет герояў, эксперыментуе на тонкай мяжы кантрастаў – дабрыні і зла, любові і нянавісці... Праз няпростыя ўзаемаадносіны дзеючых асоб стваральнікі спектакля даследуюць глыбокія маральна-этычныя праблемы: дэфіцыт клопату, суперажывання і спагады паміж блізкімі людзьмі, якія, на жаль, уласцівы нашым сучаснікам.
                              Настаўнік беларускай мовы і літаратуры Храбрая Н. М.


    Автор: Алеся |
    2-05-2018, 11:46 |
    Просмотров: 231 |
    Комментарии (0)

    Эксклюзивные Фильмы онлайн смотреть бесплатно кино.
    Красивейшие шаблоны dle скачать бесплатно для dle.
    Новые игры скачать бесплатно торрентом
    Современная девушка поможет в вашей деятельности.
    Русские Сериалы онлайн с огромным выбором.
    скачать игры для консолей
    купить не дорого спортивное питание с доставкой.
    Самый грамотный свадебный фотограф и фото на праздник.
    Народные методы лечения травами и другими средствами.
    скачать новые игры для псп.
    скачать бесплатно игры для телефона и приложения для андроид.


    Вход
    Каталог ссылок
    Яндекс.Погода