|
|
 28-11-2018, 14:58 |  Просмотров: 44 |  Комментарии (0)
13-12-2018, 19:21 | Просмотров: 22 | Комментарии (0)
Конкурс знаўцаў роднай прыроды
 Мы і нашы дзеці жывём у Беларусі. Кожны чалавек, які з павагай адносіцца да сваёй Радзімы, павінен ведаць сваю мову. У пачатковых класах настаўнікі стараюцца па-рознаму вучыць дзяцей любіць сваю мову. "Конкурс знаўцаў роднай прыроды” - так называлася віктарына, у якой удзельнічалі вучні 2 "Г” класа. Дзеці адказвалі па-беларуску на пытанні, звязаныя з прыродай роднага краю, называлі птушак Беларусі па малюнках, расказвалі тое, што ведалі пра іх. Вывучэнне мовы адбываецца не толькі ў школе, але і ў сям’і. Дзеці з бацькамі чытаюць разам кнігі на беларускай мове, слухаюць радыёперадачы, глядзяць беларускамоўную "Калыханку”. Настаўнік пачатковых класаў Малевіч Ж. К.
|
8-12-2018, 12:44 | Просмотров: 24 | Комментарии (0)
"О Навагрудскі край - мой родны дом ..."
(да 220-годдзя з дня нараджэння Адама Міцкевіча)
 Адам Міцкевіч нарадзіўся на хутары Завоссе на Навагрудчыне. Бацька - збяднелы шляхціц, адвакат Мікалай Міцкевіч. Міцкевічы былі паланізаванымі беларусамі, паэт называў сябе "ліцвінам", хоць творы пісаў на польскай мове. Пачатковую адукацыю атрымаў у Навагрудскай дамініканскай школе. У 1815 паступіў на фізічна-матэматычны факультэт Віленскага універсітэта. Зразумеўшы, што дакладныя навукі не яго прызванне, праз год перавёўся на гістарычна-філалагічны факулътэт. Тут узнікла таемнае студэнцкае таварыства філаматаў (сяброў навукі), адным з кіраўнікоў якога стаў Міцкевіч. Першыя яго паэтычныя творы напісаныя пад уплывам філамацкіх ідэй. У паэме "Мешка, князь Навагрудскі" (1822), апавяданні "Жывіла", шэрагу вершаў упершыню з"яўляецца прывабны вобраз рамантычнага героя-барацьбiта за свабоду і шчасце народаў Літвы і Беларусі. Прафесура ўніверсітэта палічыла творы "крамольнымі". Міцкевічу прапанавалі сціплую пасаду настаўніка Ковенскай павятовай школы.
|
5-12-2018, 09:57 | Просмотров: 52 | Комментарии (0)
У свеце казак
 У даўнія часы, калі простыя людзі яшчэ не ўмелі пісаць, расказвалі адзін аднаму, сваім дзецям розныя цікавыя казкі. Героямі казак былі жывёлы, людзі, а таксама выдуманыя істоты.Сюжэты казак былі не толькі забаўляльнымі, але многаму маглі навучыць. У мерапрыемстве, прысвечаным беларускім народным казкам, удзельнічалі вучні 5”А” і 5”Б” класаў. Дзеці не толькі чыталі і аналізавалі казкі, а з вялікім натхненнем і задавальненнем прымалі ўдзел у інсцэніроўцы ўрыўкаў з вядомых казак
Такія мерапрыемствы спрыяюць не толькі папулярызацыі беларускай мовы, але і жаданню чытаць творы.
Настаўнік беларускай мовы і літаратуры Князева Г.Я.
|
3-12-2018, 17:15 | Просмотров: 24 | Комментарии (0)
Цікава ведаць
Першы месяц зімы і апошні каляндарнага года атрымаў назву снежань ад слова "снег”. Старабеларускае найменне яго — прасінець (у значэнні "прасвет у воблаках”), старарускае — студеный, французскае перыяду рэвалюцыі — фрымер ("нама¬разь”). Рускі декабрь, французскі décembre, англійскі december, нямецкі Dezember паходзяць ад лацінскага december (дзесяты — у старажытнарымскім календары).
Снежань — найбольш пахмурны месяц у годзе. У ім ёсць і самы кароткі дзень года — 21-га або 22-га (7—8 гадзін). Сярэднемесячная тэмпература складае ад 5...6 градусаў марозу на паўночным усходзе рэспублікі да 2...3 градусаў на крайнім паўднёвым захадзе. Фенолагі лічаць прадзім’ем час ад першага з’яўлення снегу да ўстанаўлення сталага зімовага пакрову.
|
3-12-2018, 15:07 | Просмотров: 32 | Комментарии (0)
Літаратурна-мастацкі конкурс "Я – беларус”
"Мова"
 Пявучая родная мова,
Ты – уладарка нявызнанных скарбаў.
Столькі значэнняў, гучанняў і фарбаў
Мае ў сабе тваё кожнае слова…”
(Алесь Зарыцкі)
У 1 "А” класе прайшоў літаратурна-мастацкі конкурс "Я – беларус”. Конкурс быў накіраваны на папулярызацыю беларускай мовы, на выхаванне ў дзяцей павагі і любові да роднага слова. Дзеці з захапленнем малявалі родныя краявіды і слухалі цудоўныя па сваей шчырасці і натхненасці вершы на беларускай мове, прысвечаныя роднаму краю. Спадзяюся, што кожны вучань атрымаў асалоду ад роднай мілагучнай мовы.
Класны кіраўнік 1 "А” класа Ладзік Л.І.
|
1-12-2018, 14:37 | Просмотров: 35 | Комментарии (0)
«Гучы беларускае слова»
 «Бедны той, хто … не мае скарбаў вечных – скарбаў душы. Такі скарб, каторы ніхто і ніколі адабраць ад нас не здолее, - гэта любоў да бацькаўшчыны, да свайго народу, да роднай мовы…”
(Цётка)
Значнай падзеяй для вучняў 1 "В” класа з’явілася падрыхтоўка і ўдзел у вусным часопісе "Гучы беларускае слова”.
У ходзе правядзення мерапрыемства дзеці знаеміліся з новымі словамі, разгадвалі рэбусы, крыжаванкі, анаграмы, адказвалі на пытанні, тлумачылі розныя моўныя з’явы, знаходзілі моўныя памылкі. Першакласнікі змаглі яшчэ раз упэўніцца, якая цудоўная родная мова, што засталася нам у спадчыну. І гэты скарб мы павінны не толькі любіць і шанаваць, але і зберагчы для сваіх нашчадкаў.
Класны кіраўнік 1 "В” класа Аўсяннікава Г.У.
|
1-12-2018, 13:44 | Просмотров: 14 | Комментарии (0)
«Наш родны край»
 30 лістапада 2018 года ў 2 «Б» класе была праведзена віктарына «Наш родны край». Дзеці адказвалі на пытанні, адгадвалі загадкі, складалі прыказкі, чыталі вершы. Класны кіраўнік 2 "Б" класа Дудко А. А. |
30-11-2018, 18:58 | Просмотров: 36 | Комментарии (0)
"Знаўцы беларускай мовы”
 29 лістапада 2018 г. у 2 "А” класе прайшоў конкурс паміж 3 камандамі: "Сябры”, "Вясёлка”, "Чырвоныя”. Каманды чыталі вершы на беларускай мове, скорагаворкі, адгадывалі загадкі, складывалі прыказкі, перакладалі з рускай мовы на беларускую. Вучні прымалі актыўны ўдзел. 1 месца заняла каманда "Сябры”(19 б.), 2 месца- "Вясёлка”(17 б.), 3 месца – "Чырвоныя”(16 б.).
Класны кіраўнік 2 "А" класа Карнеева А.У.
|
20-11-2018, 18:02 | Просмотров: 15 | Комментарии (0)
Віншуем пераможцаў!
Віншуем пераможцаў дыстанцыйнай алімпіяды па беларускай мове "Фальклорны падворак" - Шурмілава Ксенія - Дыплом ІІ ступені, "Знаўцы роднай лексікі" - Фамін Максім - Дыплом І ступені.
|
15-11-2018, 19:27 | Просмотров: 90 | Комментарии (0)
"Таямніцы старой ратушы”
 14 лістапада 2018 года вучні 10 "А” класа наведалі драматычны тэатр. Гэтым разам у межах урокаў эстэтыкі прадстаўлены спектакль "Таямніцы старой ратушы”. Аўтар п’есы – сучасны драматург Cяргей Кавалёў, рэжысёр – Уладзімір Пятровіч. З захапленнем і вялікай увагай маладыя гледачы прынялі незвычайную гісторыю – гарадское фэнтэзі пра свой горад.
Жанр фэнтэзі – сёння самы папулярны.
Гісторыя кахання і помсты, сяброўства і здрады, барацьбы за ўладу і прага свабоды… Дабро змагаецца са злом, і вынік гэтага супрацьстаяння непрадказальны. Казка для падлеткаў? А можа, рэальнасць?
Асноўная дэкарацыя сцэны – ратуша – сімвалам самакіравання. Перад гледачамі на яе фоне паўстаюць жыхары сярэдневяковага горада: войт, лаўнік, карчмарка, залаташвейка, кат і іншыя неверагодныя персанажы. Але горад належыць зусім не ім – ён захоплены цёмнымі прывідамі-пачварамі, і каб перамагчы іх, гараджанам трэба аб’яднацц
Захапляльны сюжэт, фантастычныя вобразы, старадаўні каларыт, востры сацыяльны падтэкст і, вядома ж, магія – чорная і белая…
Тым, хто марыць акунуцца ў чароўны свет фэнтэзі, жадаем наведаць гэту пастанову!
А яшчэ нам пашчасціла ўбачыць на свае вочы цікавую экспазіцыю сучасных майстроў малой скульптуры і авангардных палотнаў.
Вучаніца 10 "А” класа Крысціна Кузьмянкова, настаўнік беларускай мовы і літаратуры Н. М. Храбрая
|
9-11-2018, 19:46 | Просмотров: 74 | Комментарии (0)
Пад небам Бацькаўшчыны
(у рамках Года малой радзімы)
Сёлетняе вызначэнне — Год малой радзімы – бадай, самае цёпла-эмацыянальнае, трапяткое і роднаснае, сапраўды сімвалічна-беларускае. Бо менавіта патрыятызм заўсёды яднаў нашых продкаў, любоўю да Бацькаўшчыны, Айчыны, бацькоўскай зямлі напоўнены і сэрцы сучаснікаў.
6 лістапада ў музеі імя М. П. Каралёва прайшоў конкурс творчых работ "Пад небам Бацькаўшчыны” у рамках Года малой радзімы. У ім прынялі ўдзел вучні 5-7 класаў. Хлапчукі і дзяўчаткі малявалі карціны з гісторыі сваёй радзімы і рабілі фотаздымкі прыгожых мясцін свайго краю.
Не сакрэт, што звычайныя рэчы – хата, рэчка і лес маленства, бацькоўскае поле – сталі для многіх беларусаў самымі святымі і пачэснымі. Яны клічуць нас да сябе ўсё жыццё.
Вось так і вялося: жылі на зямлі, але не пераставалі штодзённа любавацца небам Бацькаўшчыны. І чаго толькі ні вытвараў за стагоддзі бязлітасны лёс з маім народам, а ён усё роўна заставаўся бессмяротным, адраджаў мову, спадчыну, не апаганьваў душу.
Якуб Колас казаў: "Няма ў чалавека нічога прыгажэй і даражэй за радзіму. Чалавек без радзімы — бедны чалавек”.
Кіраўнік музея Раманава Т. Л.
|
8-11-2018, 17:47 | Просмотров: 87 | Комментарии (0)
"Родныя вобразы родных мясцін”
 6 лістапада 2018 года, завяршаючы восеньскія канікулы, у "Хобі-цэнтры” нашай школы а 15 гадзіне прайшла літаратурная гасцёўня "Родныя вобразы родных мясцін”. Сярод прысутных - аматары сучаснай паэзіі, вучні 10 "А” класа і настаўнікі беларускай мовы і літаратуры. Дзяўчаты заўзята адказвалі на пытанні віктарыны "Магілёўшчына літаратурная” , чыталі свае любімыя вершы, слухалі творы сучасных паэтаў-землякоў, глядзелі відэаролікі "Чытаем па-беларуску”.
Займальна і карысна прайшло мерапрыемства. Удзельнікі атрымалі штуршок да стварэння новых творчых праектаў, ідэй буктрэлераў.
Крысціна Кузьмянкова, вучаніца 10 "А” класа
|
7-11-2018, 17:44 | Просмотров: 12 | Комментарии (0)
Цікава ведць
 Апошні месяц восені, адзінаццаты — года меў старабеларускую назву грудзень (ад слова "груды” ў значэнні "замёрзлая зямля”). Сучаснае беларускае найменне лістапад тлумачыцца проста: канец ападання лісця з дрэў (таксама ва ўкраінцаў листопад, палякаў і чэхаў listopad). Рускі ноябрь, балгарскі ноември, нямецкі den november, вянгерскі і славацкі novembra, утрымліваюць агульную лацінскую аснову novem (дзевяць). Французскія рэвалюцыянеры называлі месяц брумерам, што азначала "туманны”. У пачатку лістапада адлятаюць апошнія чароды качак, дрэвы стаяць ужо амаль без лісця, тэмпература паветра ніжэй нуля, з’яўляюцца туманы. Імжыстыя дажджы ў другой палове месяца змяняюцца на мокры снег.
Вёска на нейкі час вызваляецца ад сельскагаспадарчых работ. Дары асенняга поля і лесу ўжо добра ўладкаваны ў склепах і кладоўках. Самы час успомніць тых апекуноў, якія спрыялі земляробу, і, у першую чаргу, продкаў, "дзядоў”. Багаты стол запрашае сватоў парадніць сваіх дзяцей. А вечары, што сталі даўжэйшымі, нагадваюць жанчынам аб кудзелях і піліпаўскіх вячорках.
Вучаніца 5 "В" класа Мартынава Марыя
|
5-11-2018, 17:21 | Просмотров: 55 | Комментарии (0)
У адноўленым музеі Бялыніцкага-Бірулі
 02.11.2018 падчас восенькіх канікул вучні 6 "А” класа наведалі мастацкі музей імя Вітольда Каэтанавіча Бялыніцкага-Бірулі. Дзяцей уразіў сам будынак музея, карціны, прадметы даўняй мэблі. Кожны знайшоў для сябе, на яго думку, самую-самую блізкую карціну. З цікавасцю разглядалі шасцікласнікі і дзіцячыя малюнкі, прадстаўленыя ў выставачнай зале на трэцім паверсе.
Каб адпачыць, сагрэцца і адчуць, што ў нас канікулы, мы зайшлі ў кафэ. Гарачы чай і ласункі былі дарэчы ў гэты вільготны шэры дзень.
Класны кіраўнік 6 "А" класа Храбрая Н. Н., вучаніца 6 "А" класа Варвара Казлова
|
Современная девушка поможет в вашей деятельности. скачать игры для консолей |
-
Современная девушка поможет в вашей деятельности. скачать игры для консолей
|
Автор: 
