Опрос

    Любите ли вы нашу школу?


Опрос на сайте


    Школьные уроки
    Факультативные занятия
    Занятия в спортивных секциях
    Культурно-массовые мероприятия
    Кружки по интересам
    Экскурсии в музеи, библиотеки
    Самоподготовка дома или с репетитором
    Полежать на диване
    Другое


Государственное учреждение образования "Средняя школа №33 г. Могилёва" » Наши новости » Перамога прывезена са сталіцы!

Перамога прывезена са сталіцы!

Перамога прывезена са сталіцы!
27 красавіка 2018 года ў тэатральнай зале Нацыянальнага цэнтра мастацкай творчасці дзяцей і моладзі  адбылася цырымонія ўзнагароджання пераможцаў Рэспубліканскай інтэрнэт-алімпіяды па вучэбных прадметах "Беларуская літаратура”, "Руская літаратура”.
Наша вучаніца 9 "Б” класа Кузьмянкова Крысціна ўзнагароджана  дыплом другой ступені за паспяховы ўдзел у вочным этапе інтэграванай інтэрнэт-алімпіяды, які адбыўся 26 красавіка ў Нацыянальным інстытуце адукацыі. 
Курыравала дзейнасць алімпіяды Гюльнара Мансураўна Юстынская, начальнік упраўлення дыстанцыйных адукацыйных паслуг Нацыянальнага інстытута адукацыі, старшыня аргкамітэта. Інфармацыйная падтрымка прадстаўлена прэс-службай Міністэрства адукацыі РБ, выдавецкім домам "Звязда”, рэдакцыяй выдавецтва "Настаўніцкая газета”. Асвятленне працэсу алімпіяды, вынікі, віртуальны альбом будуць размешчаны на іх парталах, а таксама на партале Нацыянальнага інстытута адукацыі. 
У мерапрыемстве прынялі ўдзел вучні 9-11 класаў устаноў агульнай сярэдняй адукацыі, 1-2 курсаў сярэдняй спецыяльнай і прафесійна-тэхнічнай адукацыі з розных рэгіёнаў рэспублікі.  Да ўзнагароды зроблены працяглы шлях: два паспяховыя завочныя этапы з 19 лютага 2018 года! Арганізацыйным камітэтам на інтэрнэт-рэсурсе па суправаджэнні турніраў, алімпіяд, конкурсаў   http://olimp.adu.by прынята звыш 3500 заявак на ўдзел у інтэрнэт-алімпіядзе. У адпаведнасці з Палажэннем аб парадку правядзення Рэспубліканскай інтэрнэт-алімпіяды па вучэбных прадметах "Беларуская літаратура”, "Руская літаратура” пераможцамі II тура стала толькі 24 удзельнікі. Сярод іх і наша вучаніца! Выпрабаванне для Крысціны складанае, бо вучыцца яна толькі ў дзявятым класе, а заданні аднолькавыя для ўсіх удзельнікаў і выходзяць далёка за межы школьнай праграмы 9-11 класаў. Няпроста знайсці ідэю для творчага тэматычнага праекта, падрыхтаваць яго і прэзентаваць перад строгім журы. А сярод членаў журы першыя прадстаўнікі адукацыі нашай краіны: Сідарэнка Раіса Станіславаўна, намеснік міністра адукацыі РБ, кандыдат педагагічных навук; Гінчук Валянціна Васільеўна, намеснік дырэктара Нацыянальнага інстытута адукацыі; Воцінава Святлана Дзмітрыеўна, галоўны рэдактар часопіса "Маладосць”; Кацярына Вячаславаўна Захарэвіч, галоўны рэдактар часопіса "Бярозка”, выкладчыкі Беларускага дзяржаўнага ўніверсітэта і настаўнікі-метадысты Мінскіх гімназій. 
Дзякуючы пастаяннай сумленнай працы, неўтаймаванаму інтарэсу да мовы і літаратуры, Крысціна мае поспех у алімпіяднаму руху і даследчай дзейнасці па беларускай мове і літаратуры. Усім нам вядома, што Крысціна вучыцца на выдатна, на сцэне выступае цудоўна, удзельнічае ў розных гарадскіх мерапрыемствах!.. Мы віншуем Крысціну з чарговай перамогай і жадаем здароўя моцнага, інтарэсу, удач, якія, мы ўпэўнены, прывядуць   да чарговых поспехаў у вучэбнай і творчай дзейнасці!
                                  Настаўнік беларускай мовы і літаратуры Храбрая Н. М
 
 
 

 
Печать

Вход

Календарь

Архив

Каталог ссылок




    Яндекс.Погода